España! NUONG Septiembre 6, 1522, isang Sabado, pumasok kami sa lawa ng San Lucar (Bay of San Lucar) at 18 na lamang kami, karamihan pa ay may sakit, sa 60 taong lumaot mula sa Molucca. May mga namatay sa gutom, ang iba ay tumakas sa pulo ng Timor, at ang iba naman ay binitay dahil sa kanilang mga kasalanan. Mula nuong umalis kami sa San Lucar hanggang sa pagbalik namin, nakapaglayag kami ng 14,460 leguas at lubusang naikot ang mondo mula silangan hanggang kanluran (from
east to west). Nuong Lunes, Septiembre 8, 1522, nagbaba
kami ng ankla (anchor) sa tabi ng muelle
Kinabukasan, lahat kami ay lumapag, naka-camiseta lamang at nakayapak, may hawak na sulo (torch) ang bawat isa, at nagtungo sa dambana (shrine) |
FERDINAND MAGELLAN’S VOYAGE: Ang Unang Pag-ikot sa Mondo
Ang Unang Español Primo viaggio intorno al mondo
|
ng Sancta Maria de la Victoria, pati sa altar ng Sancta Maria de Antigua, bilang pasalamat at upang magpanata. Mula Sevilla, nagtungo ako sa Valladolid at duon ko hinandog sa kanyang banal na kamahalan, si Don Carlos (Charles 5, hari ng España), hindi ginto o pilak kundi isang bagay na minamahalaga ng isang panginoon na gaya niya. At kasama sa mga inihandog ko sa kanya ang libro na sinulat ko sa sariling kamay tungkol sa lahat ng pangyayari, araw-araw, sa aming paglayag. Tapos, ako ay lumisan at nagtungo sa Portugal at naghayag sa hari, si Dom Joao (John 3), ng mga bagay na aking nasaksihan. At, pagkatawid sa España, nagtungo ako sa France upang maghandog ng ilang bagay mula sa kabila ng mondo sa Regina Regente (Louise de Savoy), ang ina ng matimtimang hari, si Francois (Francis I). Nagtuloy ako pagkatapos sa Italya kung saan na ako nanirahan nang palagi, at nagsilbi na lamang sa pinakabantog at magiting na panginoon (lord), ang tunay at karapat-dapat na Grand Master ng Rhodes. Ang Cavallero,
|
|
MAKAPIGIL-HININGA ang ulat ni Pigafetta na umabot 14,460 leguas ang nilakbay nila paikot sa mondo, na sa kanyang sukat ng 6.4 ay abot sa 92,544 kilometro. Kahit na sa sumunod at karaniwang 4.8 sukat sa legua, lumabas na 69,408 kilometro ang lakbay. Kahindik-hindik, lalo na’t lawak nang alam sa Europa nuon pa na bandang 25,000 millaje (o 40,225 kilometro) lamang ang sukat daigdig paikot (circumference), tinantiya ni Eratosthenes sa ancient Greece nuong pang mahigit 2,250 taon sa nakaraan.
Subalit alalahanin na, una, ang mga pangsukat nuon ay saliwa, hindi na wasto sa simula, madalas pang magbago araw-araw, batay sa panahon at material ng gamit. |
![]() |
Nakaraang kabanata Ulitin mula itaas Tahanan ng mga kasaysayan Lista ng mga kabanata Susunod na kabanata |