Sermon Sa Waray-Waray, SA PALO, Leyte, pinaghati-hati ang mga bata sa iba’t ibang pangkat nuong taon ng 1600. Ang pinakamarunong na bata sa bawat pangkat ang pinagturo at, sa loob ng 10 araw lamang, natuto na ang lahat ng dasal at mga pangaral. Ito ang ginamit na paraan ng mga frayleng Jesuit, tinawag nilang decurias, upang bumilis ang paglawak ng catholico sa Palo, sa silangang gilid (eastern coast) ng Leyte. Inuna rin nilang mabinyagan ang mga pinuno sapagkat sunod agad ang mga alalay nitong magpabinyag din, gaya ng nangyari nang magpabinyag ang pinuno ng Palo matapos hiwalayan ang isa sa 2 asawa niya. Nuong pang-3 dayo ng Jesuit duon, pinag- |
PAGHANAP SA MGA UNANG PILIPINO: Chronicles Relacion de las Islas Filipinas
Kasaysayan Ng Mga Pulo Ng Pilipinas
|
|
aralan ng frayle, si Melchior Hurtado, ang wika duon. Nang mag-sermon siya sa wikang Bisaya (Waray-waray, hawig at nauunawaan ng mga Bisaya o Sugbuanon) nuong mahal na araw (Lent) tungkol sa pagpako, pagkamatay at pagkabuhay muli ni Jesus Christ, nag-iyakan ang mga taga-Palo, lumuhod at nagnais na maging catholico sila. Ang mga nabinyagan na ay nag-penitencia, hinagupit ang mga sarili sa likod hanggang magdugo, habang nagpo-procesion. |
Mahigit 70 tao ang nabinyagan, kabilang ang 6 datu at ang mga asawa nila. Hiniwalayan nila at ibinigay ang bigay-kaya (dote, dowry) ang ibang mga asawa, maliban sa una. Humingi pa ng tawad ang mga pinuno sa kalupitan nila sa pag-alipin sa mga tao. Tinantiya ng mga Jesuit na mabibinyagan nila ang lahat ng mga taga-Palo sa madaling panahon. Upang hindi magkasama-sama ang mga nabinyagan na at mga hindi-binyagan pa, hanggang maaari, pami-familia ang ginagawa nilang pagbibinyag. |
|
Ang pinagkunan: Relacion de las Islas Filipinas, ni
Pedro Chirino, SJ, inilathala sa Roma, 1604, at bahagi ng
Nakaraang kabanata Balik sa itaas Lista ng mga kabanata Tahanan ng mga Kasaysayan Sunod na kabanata |